"Ашық есік күні"
📌18 сәуірде "Ботай" мемлекеттік тарихи-мәдени музей-қорығы қонақтарға есігін айқара ашты.
📌 Бұл күні "Ботай" музей-қорығында 18 сәуір-Халықаралық ескерткіштер мен тарихи орындарды қорғау күніне орай "Ашық есік күні" акциясы ұйымдастырылды.
Музей қызметерлері келген қонақтарға музейдің экспозициялық залы бойынша қызықты экскурсия өткізіп, Ботай мәдениетінің тарихы туралы қызықты фактілерді айтып берді. Бұл күні Саумалкөл ауылының агротехникалық колледжінің студенттері, Саумалкөл қазақ орта мектебі мен Лобанова ауылының «Зейнеп» колледжінің студенттері экскурсияның қонақтары болды.
📌 Экскурсия барысында музей-қорықтың ескерткіштер мен тарихи орындарды қорғау бөлімінің бас инспекторы В. А. Искрижицкий тарихи мұраға ұқыпты қарауды насихаттау мақсатында музей қонақтарына дәріс өткізді, одан әрі студенттер Ботай мәдениетінің тарихымен, археологиялық жәдігерлермен танысып, сондай-ақ музейдің көрме залында қонақтарды керамикалық ыдыс-аяқ жасау бойынша қызықты шеберлік сабағын тамашалады.
«Ботай-Ұлы дала мәдениеті»
2024 жылдың 8 сәуір күні Қазақстан Республикасы Мәдениет және ақпарат министрлігі Мәдениет комитетінің «Ботай» мемлекеттік тарихи-мәдени музей-қорығы РМҚК Түркістан облысы Түркістан қаласы «Әзрет сұлтан» мемлекеттік тарихи-мәдени музей-қорығында Жұма мешіті ғимаратында «Ботай-Ұлы дала мәдениеті» атты республикалық көшпелі көрменің ашылу салтанатын өткізді.
Көрмеде Ботай мәдениетінің бірегей жәдігері трепанация іздері бар адам бас сүйегі, жылқы сүйектері, жылқы сүйектерінен жасалған тұрмыста қолданылған құралдар, соның ішінде пышақ, найза-сүңгі, ине, сондай ақ тастан жасалған бұрғы, балта, дисктер,балға және қыш ыдыстың фрагменттері, ботайлықтардың тұрғын үйінің макеті орналасты.
Көрме 2 мамырға дейін жалғасады.
ҚР МАМ Мәдениет комитетінің "БОТАЙ" мемлекеттік тарихи-мәдени музей-қорығы" РМҚК 2024 жылғы 2 сәуірде Кемал Ақышев –ғалым, патриот, ағартушының 100-жылдығына және белгілі геолог-ғалым, академик, мемлекет және қоғам қайраткері Қаныш Имантайұлы Сәтбаевтың 125 жылдық мерейтойына арналған онлайн форматта ZOOM -платформасында дөңгелек үстел ұйымдастырды
ҚР МАМ Мәдениет комитетінің "БОТАЙ" мемлекеттік тарихи-мәдени музей-қорығы" РМҚК 2024 жылғы 2 сәуірде Кемал Ақышев –ғалым, патриот, ағартушының 100-жылдығына және белгілі геолог-ғалым, академик, мемлекет және қоғам қайраткері Қаныш Имантайұлы Сәтбаевтың 125 жылдық мерейтойына арналған онлайн форматта ZOOM -платформасында дөңгелек үстел ұйымдастырды.
Дөңгелек үстелдің мақсаты-үлкен ғалымдардың жадын сақтау, оның ғылыми және қоғамдық еңбегі туралы естеліктер, олар бастаған істерді жалғастыру, нәтижелерімен таныстыру.
Қазақстанның тарихи-мәдени мұрасын сақтау және дамыту саласындағы өзекті мәселелерді талқылау.
Аталмыш іс-шараға Ә. Х. Марғұлан атындағы Археология институтының Астана және Петропавл қаласындағы филиалдарының басшылары, ҚР музей-қорықтарының ғылыми қызметкерлері қатысты.
Экскурсия
«Ботай» мемлекеттік тарихи-мәдени музей-қорығына Айыртау ауданында туған жазушы, ақын, журналист Есенгелді Сүйінов келіп, Ботай музей-қорығының экспозициялық залымен танысты.
Экскурсия барысында жазушы ағамыз ерте кезден жеткен құнды жәдігерлер жайлы мәлеметтерімен танысып, музей қызметкерлерімен емін-еркін түрде пікір алмасты. Өз тарапынан қаламгер ағамыз музей-қорық ұжымына ризашылық білдірді.
