«Сарапшы көзқарасы»
«Ботай» мемлекеттік тарихи-мәдени музей-қорығы «Сарапшы көзқарасы» онлайн диалогын жалғастыруда, онда әр саланың (тарих, археология, этнография және т.б.) ғалымдары өз пікірлерін ортаға салып, ғылыми зерттеулермен бөлісетін болады.
Бүгінгі қонағымыз А. Х. Марғұлан атындағы Археология институтының аға ғылыми қызметкері, зооархеология зертханасының меңгерушісі, PhD докторанты Шагирбаев Мамбет Сапарбекұлы:
?️ Тақырыбы: Ботай мәдениеті: Жылқыны қолға үйретудің алғашқы орталығы және зооархеологиялық зерттеулердің дамуы
https://www.facebook.com/share/v/1GPUDUGpW5/
Экскурсия
Бүгін, 22 қыркүйек күні «Ботай» музей-қорығына Саумалкөл №1 орта мектебінің 6-сынып оқушылары қонаққа келді.
«Керамика айы» акциясы аясында балалар Ботай мәдениетінің бірегей керамикалық бұйымдарымен танысты.
Оқушылар көне керамиканың қалай жасалғанын, ата-бабаларымыз қандай өрнек пен пішіндерді қолданғанын, сондай-ақ бұл бұйымдардың тұрмыстағы маңызын білді.
Мұндай кездесулер балаларға тек білімін кеңейтіп қана қоймай, өз өлкесінің тарихы мен мәдени мұрасымен байланысын сезінуге мүмкіндік береді.
«Сарапшы көзқарасы»
Құрметті достар!
«Ботай» мемлекеттік тарихи-мәдени музей-қорығы «Сарапшы көзқарасы» кездесулер циклін биыл да жалғастыруда!
23 қыркүйек күні «Ботай» музей – қорығының ғылыми қызметкері Макеев Марат Сайлауұлы А. Х. Марғұлан атындағы Археология институтының аға ғылыми қызметкері, зооархеология зертханасының меңгерушісі, PhD докторанты Шагирбаев Мамбет Сапарбекұлымен сұхбат жүргізеді.
Тақырыбы: «Ботай мәдениеті: Жылқыны қолға үйретудің алғашқы орталығы және зооархеологиялық зерттеулердің дамуы»
"Тарих пен еңбек тоғысында"
2025 жылдың 18 қыркүйегінде Ақан сері атындағы Айыртау аудандық Мәдениет үйінде "Ботай" музей-қорығы жұмысшы кәсіптер жылы аясында Еңбек күніне арналған "Тарих пен еңбек тоғысында" көрмесін ұйымдастырды.
Іс – шараның негізгі мақсаты-жұмысшы мамандықтарының беделін арттыру және дәріптеу, сондай-ақ еңбек пен еңбек адамдарына деген құрметті қалыптастыру.
