Коллегия
Кеше, 23 ақпанда Петропавл қаласында Солтүстік Қазақстан облысы әкімінің орынбасары Жусуп Жумагуловтың төрағалығымен, сондай-ақ ҚР Мәдениет және ақпарат министрлігі Мәдениет комитеті төрағасының орынбасары Сабит Барлыбаевтың қатысуымен Мәдениет, тілдерді дамыту және архив ісі басқармасының алқа отырысы өтті.
Алқа отырысында «Ботай» музей-қорығы директоры Амирова Сабина Каримовна музей-қорықтың қызметі мен даму перспективалары туралы баяндама жасады.
Баяндама барысында 2025 жылғы жұмыс қорытындылары мен алдағы даму жоспарлары таныстырылды. Тарихи-мәдени мұраны сақтау, Ұлы дала мәдениетін кеңінен насихаттау және экскурсиялық қызметті дамыту мәселелеріне ерекше назар аударылды.
Дүниежүзілік экскурсоводтар күні
21 ақпан – Дүниежүзілік экскурсоводтар күні. Бұл – тарихты құрметтеп, оны келер ұрпаққа жеткізетін мамандардың кәсіби мерекесі.
Осы атаулы күнге орай «Үздік экскурсовод» республикалық байқауы ұйымдастырылды. Байқау еліміздің әр өңірінен келген кәсіби мамандарды біріктіріп, олардың білімін, шеберлігін және шығармашылық қабілетін көрсетуге мүмкіндік берді.
Байқаудың негізгі мақсаты – экскурсовод мамандығының беделін арттыру, экскурсиялық қызметті дамыту, дарынды мамандарды қолдау және тарихи-мәдени мұраны кеңінен насихаттау.
Қазылар алқасының шешімімен жеңімпаздар мен Бас жүлде иегері анықталды. Дегенмен, байқауға қатысқан әрбір маман өз ісінің нағыз кәсіби шебері екенін дәлелдеді.
Экскурсиялық жұмыс – жай ғана таныстыру емес. Бұл – өткен мен бүгінді жалғайтын алтын көпір, ұлттық жадымызды сақтау мен қоғамның мәдени санасын қалыптастырудағы маңызды қызмет.
Барша экскурсоводтарды кәсіби мерекелерімен құттықтаймыз! Қатысушыларға жоғары деңгейдегі дайындықтары, өз ісіне деген сүйіспеншілігі және тарихқа деген құрметі үшін алғыс білдіреміз.
