“Ботай” музей-қорығы «E-museum» жобасында...
Қазақстан Республикасының Ұлттық музейі ұйымдастырған «E-museum» веб-порталына мәліметтерді енгізу бойынша семинарға “Ботай” музей-қорығының қор сақтаушысы Мақпал Серікбекқызы Альмаганбетова қатысуда.
"E-museum" - бұл Қазақстанның музей қорларының бірыңғай мемлекеттік каталогы, онда мыңдаған экспонаттар туралы мәліметтер жиналады.
🔹 Семинарда мамандар жәдігерлерді веб-порталға енгізу, деректерді қазақ, орыс, ағылшын тілдерінде толықтыруды үйреніп, тәжірибе алмасуда.
🔹 Бұл бастама Ботай мәдениетіндегі бірегей мұраларды әлемге таныстыруға және тарихымызды кеңінен насихаттауға мүмкіндік береді.
«Тарих пен еңбек тоғысында»
«Ботай» музей-қорығы Саумалкөл ауылы, Айыртау ауданындағы Ақан Сері атындағы Мәдениет үйінде жұмысшы мамандықтарына арналған көрмеге шақырады.
Бағдарламада:
- Шал ақын ауданының тарихи-өлкетану музейінің экспозициясы
- Ботай мәдениетінің еңбек құралдары
- Ю.Б. Тихоновтың коллекциясынан Ботай мәдениетін бейнелейтін көркем шығармалар
- Ежелгі ботайлықтардың өмірін көрсететін шеберлік сабақтары
- Жергілікті білім беру орталықтарының балаларының шығармашылық жұмыстарының көрмесі
📅 Күні: 18 қыркүйек 2025 жыл
🕚 Уақыты: 11:00
📍 Өтетін орны: СКО, Айыртау ауданы, Саумалкөл ауылы, Ақан Сері атындағы Мәдениет үйі
Әсет Сыздықовпен кездесу
"Ботай" музей-қорығында балалар мен жасөспірімдерге арналған проза авторы, журналист және жазушы Әсет Сыздықовпен кездесу өтті
Әңгіме барысында Ботай мәдениетіне арналған жаңа кітаптың келешегі мен дайындығы талқыланды. Құрмет пен ынтымақтастықтың белгісі ретінде автор музейге өзінің басылымын сыйға тартты, ол баспа музей қорында лайықты орын алады.
Мұндай кездесулер ғылым, әдебиет және музей ісінің диалогының маңыздылығын көрсетеді. Журналистика өзекті оқиғаларды жазады, әдебиет олардың тереңдігін ашады, ал музей бұл құндылықтардың сақталуын және болашақ ұрпаққа берілуін қамтамасыз етеді. Мұндай байланыс тарихи-мәдени мұраны тұтас қабылдауға жол ашады.
Жазушы Асет Сыздықов Ботай қонысында
2025 жылдың 12 қыркүйек күні «Ботай» мемлекеттік тарихи-мәдени музей-қорығына журналист, жазушы Асет Сыздықов келді. Сапар барысында ол музей экспозициясымен, Ботай қонысымен танысып, жаңа кітабына қажетті материалдар жинады. Алдағы уақытта автор қазақ халқының тарихы мен мәдени мұрасында ерекше орын алатын Ботай мәдениетіне арналған жеке еңбек жазуды жоспарлап отыр.
«Ежелгі Ботай мәдениетінің ізімен: зерттеу нәтижелері мен болашағы»
«Ботай» мемлекеттік тарихи-мәдени музей-қорығының ұйымдастыруымен әлемге әйгілі археолог, Эксетер университетінің профессоры Алан Оутраммен онлайн-кездесу өтті.
Тақырып: «Ежелгі Ботай мәдениетінің ізімен: зерттеу нәтижелері мен болашағы». Кездесу барысында Ботай мәдениетінің зерттелуі, қазба жұмыстарының нәтижелері және болашақтағы ғылыми ізденістер талқыланды.
Бұл кездесу Ботайдың әлемдік өркениеттегі маңызын тағы бір дәлелдеп, жаңа ғылыми идеяларға жол ашты.
#Botai #Archaeology #AlanOutram #БотайМәдениеті
