Республика күні қарсаңында, 17 қазан күні "Ботай" музей-қорығы "Қазақстанның солтүстік өңірі аумағындағы ескерткіштерді сақтау және қорғау: Ботай мәдениетін дамытудың сын-қатерлері мен перспективалары" тақырыбында диалог алаңын ұйымдастырды. Іс-шараға тарих ғылымдарының докторы, М. Қозыбаев атындағы Солтүстік Қазақстан университетінің профессоры Анатолий Плешаков, Ә. Марғұлан атындағы "Археология институты" Солтүстік Қазақстан филиалының директоры Меруерт Қиясбек, Ақмола облысы мәдениет басқармасының "Тарихи-мәдени мұраны қорғау және пайдалану орталығы" директоры Жасұлан Үкеев қатысты. Іс-шара барысында "Ботай" музей-қорығының қызметкерлері баяндама жасады.

15 қазан күні «Ботай» музей-қорығында ерекше танымдық сабақ өтті. Қонаққа №1 Саумалкөл орта мектебінің оқушылары музей әлемімен жақынырақ танысу мақсатында арнайы келді. Сабақ "Жас археолог" үйірмесінің жетекшісі — Букенов Ерлан Жұмабекұлының бастамасымен ұйымдастырылды.

Сабақ барысында оқушылар музейдің қорымен танысып, экспонаттармен жан-жақты жұмыс жасады. Тарихқа терең бойлап, қойылған сұрақтарға белсенді жауап беріп, өздерінің білімдерін сынап көрді.

20 қазаннан бастап «Ботай – тұлпар алаңы» бейнероликтер байқауы басталады!

Тарихты, шығармашылықты және креативтілікті жақсы көретін барлық жандарды қатысуға шақырамыз.

2025 жылдың 12 қазан күні «Ботай» музей-қорығының директоры Сабина Амирова мен Туристік қауымдастықтың төрағасы Владимир Витченко Айыртау ауданы аумағындағы сакралды нысандарға жұмыс сапарымен барды. Бұл іс-шара өңірдің тарихи-мәдени мұрасын кеңінен насихаттауға бағытталған «Энеолит дәуірінен қазіргі кезеңге дейін» жобасы аясында жүзеге асырылды.