«Ботай. Дала өркениетінің бастауында»
2025 жылғы 12 қараша күні Ботай музей-қорығы мәдени инклюзияны дамыту акциясы аясында Айыртау ауданының Айыртау әлеуметтік қызмет көрсету орталығында «Ботай. Дала өркениетінің бастауында» атты көшпелі көрме мен музейлік шара ұйымдастырды.
Акция шеңберінде шеберлік сабақтары өткізіліп, қысқаша бейнероликтер ұсынылды және ботай мәдениеті туралы танымдық дәріс оқылды. Тыңдаушыларға Ботай мәдениетінің зерттелу тарихы мен жаңалықтарын қамтыған бейнефильм көрсетіліп, мұражайландыру бағытындағы жұмыстар жөнінде презентация таныстырылды.
Жас археолог
2025 жылғы 6 қараша күні Петропавл қаласында «Жас тарихшылар көзімен – Қазақстан өңірлерінің тарихы, мәдениеті және даму болашағы» атты жас тарихшылардың өңіраралық конференциясы өтті.
Конференцияға Солтүстік Қазақстан облысы Айыртау ауданы «Саумалкөл орта мектебі №1» КММ-нің оқушылары қатысты. Олар – Ботай музей-қорығы жанындағы «Жас археолог» клубының мүшелері.
Аталмыш іс-шарада намысын қорғаған Жақсыбаева Томирис пен Торғаева Даяна, сондай-ақ Фатиади Варвара мен Залевская Янина өздерінің ғылыми-зерттеу жұмыстарын сәтті қорғап, ІІ орын иеленді.
Жас зерттеушілер туған өлкенің тарихы мен мәдениетіне арналған зерттеу жұмыстарын ұсынып, жоғары дайындық деңгейін, талдау қабілетін және Қазақстан тарихына деген қызығушылығын көрсетті.
«Палеометалл дәуірінде тас шикізатын пайдалану»
2025 жылдың 5-8 қараша күні Ресей Федерациясы Санкт-Петербург қаласы Ресей Ғылым академиясы Материалдық мәдениет тарихы институтында «Палеометалл дәуірінде тас шикізатын пайдалану» халықаралық конференциясы өтті. Конференция жұмысына Ботай музей қорығының ғылыми қызметкерлері онлайн баяндамалармен қатысты, конференция бағыты әр түрлі тақ бағытта оның ішіндегі ежелгі дәуірдегі тас құралдардың трассологиялық талдаулары жасалу техникасы, киелі мағынасы ашылды. Ескерте кететін жайт конференция жұмысы төрт күн қатарынан, әлемдік археология жаңа жаңалықтары соңғы жетістіктер жайлы сөз өрбіді. Ботай музей қорығы 2024 жылдан бастап Ресей Ғылым академиясы Материалдық мәдениет тарихы институтымен археологиялық зерттеулерге қатысты меморандумы бар, соның ішіндегі эксперминтальді лаборотория директоры тарих ғылымдарының кандидаты Скакун Наталия Николаевна Ботай мәдениетінің материалдарымен жақсы таныс, музей ғылымын, ғылыми мақалаларды жазу барысында әрдайым кеңес беріп отыр. Болашақта музеймен бірнеше жобаларды жоспарлап іске асырылады деген ойдамыз
Жас археологтардың — алғашқы жетістіктері!
Бүгінгі таңда «Ботай» музей-қорығында «Жас археолог» үйірмесі ұйымдастырылғанын жазған болатынбыз, үйірмесінің жетекшісі — Букенов Ерлан Жұмабекұлы.
2025 жылдың 6 қарашасында облыс орталығында жас ботайлар өздерінің алғашқы "жауынгерлік" сынақтарынан өтті – «Жас тарихшылардың көзімен Қазақстан өңірлерінің тарихы, мәдениеті және даму перспективалары» атты жас тарихшылардың II өңіраралық конференциясына қатысып, қазылар алқасына өздерінің зерттеу жобаларын ұсынды.
Балалар үйірмеде екінші ай ғана айналысатынын ескерсек, олардың нәтижелерін керемет деп санауға болады!
2 орын-Жақсылықова Томирис және Торғаева Даяна – «№ 1 Саумалкөл орта мектебі» КММ
2 орын-Фатиади Варвара, Залевская Янина – «№1 Саумалкөл орта мектебі» КММ.
«Солтүстік Қазақстан археологиясы: жетістіктер мен келешегі»
А. Х. Марғұлан атындағы Археология институтының Солтүстік Қазақстан филиалы ұйымдастырған «Солтүстік Қазақстан археологиясы: жетістіктер мен келешегі» дөңгелек үстел өңірдің археологиялық мұрасын зерттеу, сақтау және насихаттау мәселелеріне арналды.
Бұл шараға «Ботай» мемлекеттік тарихи-мәдени музей-қорығы қатысып, өз зерттеу нәтижелері мен музей қызметінің материалдарын ұсынды.
Іс-шара барысында 2023–2025 жылдардағы археологиялық зерттеу нәтижелері мен сол еңбектер бойынша жарық көрген кітаптар таныстырылды.
Дөңгелек үстелдің мақсаты — археологтар, музей мамандары, ғылым, мәдениет және білім саласының өкілдері арасындағы тәжірибе алмасу алаңын қалыптастыру.
Іс-шара ҚР Ғылым және жоғары білім министрлігінің Ғылым комитеті жүзеге асыратын BR24992951 «Сарыарқаның археологиялық мұрасы (тас дәуірінен орта ғасырға дейін)» атты жобасы аясында өтті.
