2025 жылдың 9 қазанында "Ботай" музей-қорығында Сексенбаев Ақан Алтаевич жемқорлыққа қарсы күрес тақырыбында лекция оқыды. Ол өз сөзінде жемқорлықпен күресу тек мемлекеттің ғана емес, әрбір азаматтың жеке жауапкершілігі екенін атап өтті. Бұл — әділ де адал қоғам құру жолындағы маңызды қадам. Сол себепті біз жемқорлыққа қарсы тұрамыз. Қазақстанды жемқорлықтан арылту үшін бар күшімізді салып, белсенді түрде әрекет етейік!

2025 жылдың қыркүйек айынан бастап Саумалкөл орта мектебінде тарих пәнінің мұғалімі, педагог-шебер Букенов Ерлан Жұмабекұлының жетекшілігімен «Жас археолог» үйірмесі өз жұмысын бастады. Үйірме аясында Ерлан Жұмабекұлы оқушыларға арналған «Ботай — көшпелі өркениеттің бесігі» атты 34 сағаттық авторлық курстық бағдарламаны әзірледі. Бұл бағдарлама жалпы білім беретін мектеп оқушыларына арналған және «Қазақстан тарихы» пәні шеңберінде жүзеге асырылады.

Мақала энеолит дәуірінің бірегей ескерткіші — Ботай қонысына арналған. Бұл ескерткіш Қазақстанның тарихи-мәдени мұрасының рухани символына айналған маңызды археологиялық нысан болып табылады.
Авторға Ботай мәдениетіне және оның ғылыми зерттелуіне назар аударғаны үшін алғыс айтамыз.

Мақаланы «Казахстанская правда» газетінің сайтынан оқи аласыздар.

https://kazpravda.kz/n/botay-mesto-prityazheniya/ 

«Жасанды интеллекттің қарқынды дамуы адамдардың, әсіресе жастардың, ойлау жүйесі мен мінез-құлқына әсер етіп жатыр. Бұл – бүкіл адамзат өмірін түбегейлі өзгертетін үдеріс».
                                                                  Қазақстан Республикасының Президенті Қ.Ж. Тоқаев