27 қараша күні «Ботай» мемлекеттік тарихи-мәдени музей-қорығына  Саумалкөл орта мектебінің  4 «А» сынып оқушылары келді. Оқушыларға музейдің көрме залында экскурсия жүргізіліп, олар Ботай мәдениетінің еңбек құралдарымен, тұрмыстық заттарымен және археологиялық жәдігерлерімен танысты.

 Экскурсия соңында балалар үшін керамикадан мастер-класс ұйымдастырылды. Оқушылар үлкен қуанышпен қатысып, өздерін шағын шебер ретінде байқап, балшықтан алғашқы бұйымдарын жасады.

 Келген оқушылар мен ұстаздарға тарихи мұраға қызығушылық танытқандары үшін алғыс айтамыз!

Ботай» мемлекеттік тарихи-мәдени музей-қорығының суретші-реставраторы музей қорындағы жәдігерлерді қалпына келтірумен айналысып келеді. Ол керамикалық ыдыстарды реставрациялау, артефакттардың көшірмелерін жасау және керамика бойынша шеберлік сабақтарын өткізу арқылы тарихи мұраны келер ұрпаққа жеткізуге өз үлесін қосуда.

https://www.facebook.com/reel/2601367326905727/

Бүгін Ботай мемлекеттік тарихи-мәдени музей-қорығы жанындағы «Жас археолог» үйірмесінің қатысушылары керамикалық ыдыс жасаудың шеберлік сабағына қатысты. Балалар ежелгі ботайлықтардың қолданған тәсілдерін меңгеріп, саз балшықпен жұмыс істеудің қыр-сырын үйренді.

Шеберлік сабақ барысында үйірме мүшелері өз қолымен шағын ыдыс қалыптап, ежелгі шеберлердің еңбегін сезініп көрді. Мұндай сабақтар өскелең ұрпақтың тарихи-мәдени мұраға деген қызығушылығын арттырып, шығармашылық қабілетін дамытады.