«Ботай — Дала өркениетінің бастауы»
Айыртау ауданы, Саумалкөл ауылының агротехникалық колледжінің студенттері кәсіби практика барысында «Ботай» мемлекеттік тарихи-мәдени музей-қорығының ғылыми-зерттеу бөлімі және ғылыми-қор жұмысы мен экскурсиялық қызмет көрсету бөлімімен бірлесе отырып, музей экспозициясында ұсынылған артефактілермен танысты.
Практикалық жұмыс аясында студенттер археолог және зерттеуші В.Ф. Зайберт туралы бейнематериалдарды тамашалап, мәдени және тарихи мұраны көрсететін экспонаттарды зерделеді. Сонымен қатар, тест тапсырмаларын орындап, «Ботай — Ұлы Даланың мәдениеті» тақырыбындағы викторинаға қатысты.
«Тарихи мұраның тереңінде»
Далалық өркениеттің тарихи-мәдени мұрасын сақтау және насихаттау мақсатында «Ботай» мемлекеттік тарихи-мәдени музей-қорығының ғылыми-зерттеу бөлімі мен ғылыми-қор жұмысы және экскурсиялық қызмет көрсету бөлімі Саумалкөл ауылының Агротехникалық колледжімен бірлесе отырып, өндірістік практика аясында бірқатар іс-шараларды жоспарлап, іске асыруда. Музей-қорыққа келгеннен кейін Агротехникалық колледжінің студенттері кәсіби практика шеңберінде өз тәжірибесінің мақсатына сәйкес жұмыстарын бастады. Практиканың мақсаты – Ботай мәдениетінің археологиялық мұрасымен танысу, сондай-ақ тәжірибелік білім мен дағдылар алу болды. Студенттерге Ботай мәдениетіне арналған кітаптар, дәрістер және басқа да материалдар таратылды.
Бүгін Ботай музей-қорығы мен СҚО тарихи-мәдени мұра объектілерін қорғау және пайдалану орталығы өзара ынтымақтастық туралы меморандумға қол қойды
Келісімнің негізгі мақсаты – өңіріміздің бай тарихи-мәдени мұрасын сақтау, зерттеу және кеңінен насихаттау бағытындағы күш-жігерді біріктіру. Тараптар мынадай бағыттарда бірлесіп жұмыс атқаруға уағдаласты:
ғылыми зерттеулер мен археологиялық экспедициялар жүргізу;
білім беру және ағартушылық жобаларды әзірлеу және жүзеге асыру;
көрмелер, дәрістер мен іс-шаралар арқылы мәдени мұраны насихаттау;
ескерткіштерді қорғау саласында тәжірибе және ақпарат алмасу.
Бұл меморандумға қол қою – бірегей мұрамызды сақтап, келер ұрпаққа жеткізудің маңызды қадамы.
Ботай мәдениетінің артефактыларына трасологиялық зерттеу жұмыстары
27 қыркүйек күні Түркістан қаласында өткен «XII Болгар халықаралық археологиялық мектебі» аясында «Ботай» музей-қорығының ғылыми-зерттеу бөлімі Ресей ғылым академиясы ММТИ аға ғылыми қызметкері, тарих ғылымдарының кандидаты Наталья Николаевна Скакунмен бірлесіп ботай мәдениетінің жәдігерлеріне трасологиялық зерттеу жұмыстарын жүргізді.
Зерттеу барысында сүйектердің қолдану іздері қарастырылып, олардың жасалу және қолданылу ерекшеліктері нақтыланды. Әсіресе микросызаттар мен тозу іздеріне талдау жасалып, өзге археологиялық кешендердегі ұқсас материалдармен салыстыру жүргізілді.
Құрметті достар! ✨
Сіздерді «Ботай» музей-қорығына шақырамыз!
🗓 Қазан айы – сүйек жәдігерлерінің айы
🎼 Арнайы тақырып: «Көне сүйектің үні»
Ежелгі ботайлықтардың құпиялары мен жаңалықтары туралы көбірек білгіңіз келсе – бізге келіңіз!
🔹 Мыңдаған жылдар тарихын сақтаған көне сүйек бұйымдары
🔹 Құнды экспонаттар мен таңғажайып деректер
🔹 Ғылыми жаңалықтар мен археологиялық сырлар
Барлығы сізді Ботай музей-қорығында күтеді!
