Құрметті достар!
Баршаңызды Республика күнімен шын жүректен құттықтаймын!
25 қазан — халқымыздың егемен ел болуға жасаған шешуші қадамының тарихи символы. Бұл күн — өткенімізге тағзым, болашағымызға сеніммен қарауға жетелейтін ерекше мереке.
Музей-қорықтар — ұлт тарихының, мәдени мұрамыздың шежіресі. Біз үшін бұл күн — Тәуелсіздік рухын дәріптеп, жас ұрпаққа аманат етіп жеткізудің маңызы арта түсетін сәт.
Еліміз аман, рухымыз биік, бірлігіміз баянды болсын!
Республика күні құтты болсын!
Құрметпен,
Сабина Амирова.
#RepublicDay#25Қазан #Декларация35жыл #МеніңҚазақстаным
"Қазақстанның солтүстік өңірі аумағындағы ескерткіштерді сақтау және қорғау: Ботай мәдениетін дамытудың сын-қатерлері мен перспективалары"
Республика күні қарсаңында, 17 қазан күні "Ботай" музей-қорығы "Қазақстанның солтүстік өңірі аумағындағы ескерткіштерді сақтау және қорғау: Ботай мәдениетін дамытудың сын-қатерлері мен перспективалары" тақырыбында диалог алаңын ұйымдастырды. Іс-шараға тарих ғылымдарының докторы, М. Қозыбаев атындағы Солтүстік Қазақстан университетінің профессоры Анатолий Плешаков, Ә. Марғұлан атындағы "Археология институты" Солтүстік Қазақстан филиалының директоры Меруерт Қиясбек, Ақмола облысы мәдениет басқармасының "Тарихи-мәдени мұраны қорғау және пайдалану орталығы" директоры Жасұлан Үкеев қатысты. Іс-шара барысында "Ботай" музей-қорығының қызметкерлері баяндама жасады.
Музей сабағы
15 қазан күні «Ботай» музей-қорығында ерекше танымдық сабақ өтті. Қонаққа №1 Саумалкөл орта мектебінің оқушылары музей әлемімен жақынырақ танысу мақсатында арнайы келді. Сабақ "Жас археолог" үйірмесінің жетекшісі — Букенов Ерлан Жұмабекұлының бастамасымен ұйымдастырылды.
Сабақ барысында оқушылар музейдің қорымен танысып, экспонаттармен жан-жақты жұмыс жасады. Тарихқа терең бойлап, қойылған сұрақтарға белсенді жауап беріп, өздерінің білімдерін сынап көрді.
Назар аударыңыз! Шығармашылық байқау!
20 қазаннан бастап «Ботай – тұлпар алаңы» бейнероликтер байқауы басталады!
Тарихты, шығармашылықты және креативтілікті жақсы көретін барлық жандарды қатысуға шақырамыз.
