2025 жылдың 4 қыркүйек күні "Ботай" мемлекеттік тарихи-мәдени музей-қорығы мен Солтүстік Қазақстан облысының туристік қауымдастығы ынтымақтастық туралы Меморандумға қол қойды.

Келісім мәдени туризмді дамытуға, тарихи-мәдени мұраны сақтауға және насихаттауға, сондай-ақ Солтүстік Қазақстанды туристік орталық ретінде ілгерілетуге бағытталған.

Меморандумға "Ботай" музей-қорығының директоры Сабина Амирова мен туристік қауымдастықтың басшысы Владимир Витченко қол қойды.

Тараптар өңірде туризмді бірлесіп ілгерілетуге, бірлескен іс-шаралар өткізуге, туристік имиджді дамыту және қызмет көрсету сапасын жақсарту мәселелерінде өзара қолдау көрсетуге уағдаласты.

🤝 ҚР МАМ МК "Ботай" мемлекеттік тарихи-мәдени музей-қорығы мен Манаш Қозыбаев атындағы Солтүстік Қазақстан университеті ынтымақтастық туралы Меморандумға қол қойды.

Бұл бірлескен зерттеулерге, білім беру жобаларына, ғылыми еңбектер шығаруға және болашақ мамандарды даярлауға жаңа қадам.

Ғылым мен мәдениет одағы Ботай өркениетінің баға жетпес мұрасын сақтауға және насихаттауға кең мүмкіндіктер ашады деп сенеміз. 🌍✨

Ботай музей-қорығының экспозициялық залында «Керамика айына» арналған экскурсиялар ұйымдастырылуда. Келушілер Ботай мәдениетінің тарихи мұрасымен, ежелгі қыш бұйымдарының ерекшеліктерімен таныса алады.

Экскурсия барысында археологиялық қазбалардан табылған бірегей қыш сынықтары көрсетіліп, керамика өнерінің дамуы мен оның адамзат өркениетіне қосқан үлесі туралы ақпарат беріледі.

Ботай музей-қорығы 2025 жылдың қыркүйегі керамика айы деп жарияланғанын хабарлайды.

Бір ай ішінде музейде  тақырыптық іс-шаралар ұйымдастырылады.

-Ботай мәдениетінің керамикасымен байланысты археологиялық олжалар көрмесі.

- Керамикалық бұйымдар жасау бойынша шеберлік сабақтары.

- Керамика тарихы туралы дәрістер мен әңгімелер.

Жұмыс режимі:

Дүйсенбі-Жұма

9.00-ден 13.00-ге дейін

14.00-ден 18.00-ге дейін

Кіру ақылы

Аудан тұрғындары мен қонақтарын ата-бабаларымыздың бай мұрасымен танысуға шақырамыз.

https://www.facebook.com/share/v/19jn4yfvjB/