2025 жылдың 12 қазан күні «Ботай» музей-қорығының директоры Сабина Амирова мен Туристік қауымдастықтың төрағасы Владимир Витченко Айыртау ауданы аумағындағы сакралды нысандарға жұмыс сапарымен барды. Бұл іс-шара өңірдің тарихи-мәдени мұрасын кеңінен насихаттауға бағытталған «Энеолит дәуірінен қазіргі кезеңге дейін» жобасы аясында жүзеге асырылды.

Аталған жоба Солтүстік Қазақстанның көне өркениет пен заманауи тарих тоғысқан маңызды өңір ретінде танылуын қамтамасыз етуге, сондай-ақ туристік ағынды арттыруға бағытталған. Қазіргі таңда Ботай мәдениеті Солтүстік өңірдегі мәдени-танымдық туризмнің негізгі бағыттарының бірі болып саналады.