16 наурыз — «Шежіре күні»
Бұл күні жұртшылық мал сойып, шелпек пісіріп, өткен-кеткен ата-бабаларына құран бағыштайды. Сонымен қатар бұл күні отбасының, жеті атаның, ел-жұрттың тарихы айтылып, шежіресі таратылады.
Бүгін «Ботай» мемлекеттік тарихи-мәдени музей-қорығының қызметкерлері қыз баласының тәрбиесі және қоғамдағы орны жөнінде сөз қозғайды.
15 наурыз — «Жайлау күні»
Айнала табиғатпен біте қайнасып өмір сүру көшпелі қазақ дүниетанымының бір бөлігін құраған. Бұл күні адамдар реніштерін кешіріп, бір-біріне қонаққа, серуенге, қыдыруға шақырады.
14 наурыз – «Көрісу күні»
Бір-бірімен араздасқан адамдар өзара кешірім сұрайтын, арасы алыстаған ағайын жақындасатын күн. Алыста жүрген жандар қара шаңыраққа соғып, ата-анасына сәлем беріп, ағайын-туыстың үйіне барады.
В.Ф.Зайберттің сұхбаты
Бүкіл әлемге Ботай мәдениетін ашқан атақты ғалым, тарих ғылымдарының докторы, профессор Виктор Федорович Зайберт #BaitassovLive бағдарламасына қатысты. Сұхбат барысында Ботай мәдениетінің қыр-сырларын ашып, болашақтағы жоспарларымен бөлісті.
«Мектептегі тарих пәні: жаңа концепция, ашық сана, заманауи көзқарас» атты тарих мұғалімдерінің республикалық съезді.
2022 жылғы 4 наурыз күні Петропавл қаласындағы Манаш Қозыбаев атындағы өңірлік университеті базасында Қазақстан Республикасының Білім және ғылым министрлігі мен Солтүстік Қазақстан облысы әкімдігінің білім Басқармасы бірлесіп ұйымдастырған «Мектептегі тарих пәні: жаңа концепция, ашық сана, заманауи көзқарас» атты тарих мұғалімдерінің республикалық съезіне «Ботай» мемлекеттік тарихи-мәдени музей-қорығының инспекторы Қайыргелдинов Руслан Ерланұлы қатысты.
