ҚР МАМ Мәдениет комитетінің "БОТАЙ" мемлекеттік тарихи-мәдени музей-қорығы" РМҚК  2024 жылғы 2 сәуірде Кемал Ақышев –ғалым, патриот, ағартушының 100-жылдығына  және  белгілі геолог-ғалым, академик, мемлекет және қоғам қайраткері Қаныш Имантайұлы Сәтбаевтың 125 жылдық мерейтойына арналған онлайн форматта  ZOOM -платформасында дөңгелек үстел ұйымдастырды.

Дөңгелек үстелдің мақсаты-үлкен ғалымдардың  жадын сақтау, оның ғылыми және қоғамдық еңбегі туралы естеліктер, олар бастаған  істерді жалғастыру, нәтижелерімен таныстыру.

 Қазақстанның тарихи-мәдени мұрасын сақтау және дамыту саласындағы өзекті мәселелерді талқылау.

Аталмыш іс-шараға Ә. Х. Марғұлан атындағы    Археология институтының Астана және Петропавл қаласындағы филиалдарының басшылары, ҚР музей-қорықтарының ғылыми қызметкерлері қатысты.

«Ботай» мемлекеттік тарихи-мәдени музей-қорығына Айыртау ауданында туған жазушы, ақын, журналист Есенгелді Сүйінов келіп,  Ботай музей-қорығының экспозициялық залымен танысты.

Экскурсия барысында жазушы  ағамыз ерте кезден жеткен құнды жәдігерлер жайлы мәлеметтерімен танысып, музей қызметкерлерімен емін-еркін түрде пікір алмасты. Өз тарапынан қаламгер ағамыз музей-қорық ұжымына ризашылық білдірді.

«Ұлттық киім – ұлт ажары»

«Ботай» мемлекеттік тарихи-мәдени музей-қорығының ұжымы  ұлттық киімдерді халыққа кеңінен насихаттау мақсатында «ұлттық  киім-ұлт ажары» челленджің қолдайды.

Басты мақсат- ұлттық киімді насихаттау, ата-бабамыздың тарихы мен дәстүрін өскелең ұрпаққа жеткізіп, ұлттық құндылықтарды нығайту.

Бүгін, 2024 жылдың  15 наурыз   күні «Ботай» мемлекеттік тарихи-мәдени музей-қорығының қызметкерлері  Саумалкөл  орта мектебінің 5 -6 сынып  оқушылары үшін «Әлем таныған Ботай» тақырыбында тарихи-танымдық дәріс  өткізді.
 Дәріс барысында оқушылар Ботай қонысының, Ботай атауының  шығу тарихымен, сонымен қатар Ботай жәдігерлерін ең алғаш тапқан Еслямбек Закарияұлы және де Ботайды зерттеп,оны әлемге танытқан Виктор федорович Зайберттің өмірбаянымен , оның зерттеген жұмыстарымен терең танысып,ботай қонысынан табылған құнды жәдігерлерді тамашалады.
Сабақ барысында оқушыларға тақырып бойынша түрлі сұрақтар қойылды,оларға қуана жауап беріп, өз ойлары мен пікірлерімен белсенді бөлісті.