2022 жылдың 17 маусымында Петропавл қаласында «Солтүстік Қазақстан облысының рухани мұралары» тақырыбында ғылыми-тәжірибелік конференция өтуде. (Ұйымдастырушылар – Қазақстан мұсылмандары діни басқармасының Солтүстік Қазақстан облысы бойынша өкілдігі мен Солтүстік Қазақстан облысы әкімдігінің Дін істері басқармасы).

Конференцияға Солтүстік Қазақстан облысының дін қызметкерлері, имамдар, ғалымдар мен тарихшылар, жоғары оқу орындары мен колледждердің студенттері, мемлекеттік органдардың басшылары қатысуда.

Іс-шараның негізгі тақырыптары: өлкенің мәдени-этникалық тарихы, топомимика сұрақтары, археология.

«Ботай» мемлекеттік тарихи-мәдени музей-қорығының директоры Қуаныш Ғибадатұлы Шақшақов «Ботай мәдениеті- өткені, бүгіні, болашағы (музей-қорықтың даму болашағы)» атты баяндама жасады.

Ботай мәдениеті - ат-дала өркениетінің «бесігі» болып табылады, бірегей олжалар мен палеогенетикалық талдаулар жылқының алғаш қолға үйретілгенін айғақтайды. Сонымен қатар, Қ.Шақшақов өз сөзінде өскелең ұрпақ үшін ел тарихын сақтау мен насихаттаудың маңыздылығына тоқталды. Ол дәстүрлі құндылықтарды, қазақ халқының мәдениетін сақтау қажеттілігіне ерекше мән берді.