Бүгін, 2022 жылғы 2 маусым күні Айыртау ауданы, Никольское ауылының маңындағы Ботай қонысында «Айыртау ауданының өмірде қиын жағдайға дұшар болған балаларды қолдау орталығы» КММ-нің тәрбиеленушілеріне 1 маусым – Балаларды қорғау күніне арналған акция ұйымдастырылды.

Іс-шара аясында Ботай музей-қорығының аға ғылыми қызметкері Қ.Қ. Абильмаликов тақырыптық экскурсия жүргізіп, балаларды бұйымдарды өңдеудің ежелгі технологияларымен, құралдарымен таныстырды. Сондай-ақ қыш ыдыстар, тас дискілер жасау және өсімдік тамырларын ұнтақтау бойынша шеберлік сабақтары көрсетілді.

Балалар көне тарихқа деген қызығушылықтарын танытып, шеберлік сабақтарына қатыса алды.