2022 жылғы 27-28 мамырда күндері аралығында Алматы қаласындағы Құрманғазы атындағы Қазақ ұлттық консерваториясының және Абай атындағы Қазақ ұлттық опера және балет театрының базасында "Ұлт рухы - ұрпақ мұраты" тақырыбында Қазақстанның І мәдениет форумы ұйымдастырылды.

Аталмыш форумға "Ботай" мемлекеттік тарихи-мәдени музей-қорығының директоры Қуаныш Ғибадатұлы Шақшақов қатысты.

Іс-шара барысында мәдениет саласының әр бағыттары бойынша (кітапхана, музей,музыка мен театр өнері) мәселелер көтеріліп, қазіргі таңдағы мәдениет саласының жетістіктері мен өзекті мәселелері туралы баяндамалар оқылды.

ҚР Мәдениет және спорт министрі Д.Абаев мәдениет саласын ерекше атап өтіп , мәдениет саласының қайраткерлерінің марапаттау рәсімі ұйымдастырылды.