2022 жылдың 15 сәуір күні Саумалкөл ауылында Open Space форматында ҚР МСМ МК «Ботай» республикалық мемлекеттік музей-қорығы алаңында Қазақстаннан келген тарихи-мәдени мұра саласының мамандарының кездесуі өтті. Open Space 18 сәуір – Халықаралық ескерткіштер мен тарихи орындар күніне орайластырылған.

Іс-шара еркін пікір алмасуды, талқылауды және жаңа конструктивті ұсыныстарды әзірлеуді көздейді. Сондай-ақ «Ботай» музей-қорығының экспозициялық залымен, музейдің даму перспективаларымен таныстырылды.

Қазақстандық археологияның өзекті мәселелері, ескерткіштерді сақтаудың құқықтық аспектілері қарастырылды. Мәселен, мамандар археологиялық жұмыстардың әдістемесіне, қорғалатын аймақтарды реттеуге, тарихи-мәдени мұраны насихаттауға баса назар аударды.