Бүгін, 2024 жылғы 4 шілдеде ҚР МАМ Мәдениет комитетінің "Ботай "мемлекеттік тарихи-мәдени музей-қорығы" РМҚК археологиялық трасология сарапшысы, тарих ғылымдарының кандидаты, РҒА тарих және материалдық мәдениет институтының аға ғылыми қызметкері Н. Н. Скакунмен бірлесіп "Ботай мәдениетін зерттеу және археологиялық трасология мүмкіндіктері" тақырыбында дөңгелек үстел өткізді.

Іс-шараға ғылыми қызметкерлер, өлкетанушылар, орта мектеп мұғалімдері, мемлекеттік органдар мен жұртшылық өкілдері қатысты. Дөңгелек үстел модераторы-"Ботай" музей-қорығының директоры Қуаныш Ғибадатұлы Шақшақов Ботай мәдениетінің рөлі мен маңыздылығы, тарихи-мәдени мұра ескерткіштерін мұражайландыру және эксперименттік трасология саласындағы (Санкт-Петербург қ., РФ) РҒА тарих және материалдық мәдениет институтымен ынтымақтастық перспективалары туралы айтып берді.
Дөңгелек үстелдің қонағы және негізгі спикері, тарих ғылымдарының кандидаты Н.Н.Скакун көрермендердің назарына артефактілерді зерттеудің трасологиялық әдістері, тарихи материалдармен жұмыс нысандары туралы қызықты баяндама ұсынды. Трасологтардың кәсібилігі, шеберлігі және заманауи цифрлық технологиялардың арқасында зертханалық жағдайда ежелгі дәуірдегі құралдардың мақсатын қалпына келтіруге болады. Трасология негізінде әлемнің әртүрлі халықтарының қызықты этнографиялық деректерін алуға болады.
Дөңгелек үстел барысында музей қызметкерлері 2023 жылғы дала маусымының Ботай мәдениетін археологиялық зерттеу туралы баяндама жасады.
Іс-шара ҚР МАМ Мәдениет комитетінің "Ботай "мемлекеттік тарихи-мәдени музей-қорығы" РМҚК сертификаттары мен алғыс хаттарын табыстаумен аяқталды.