ҚР МСМ МК «Ботай» мемлекеттік тарихи-мәдени музей-қорығы» РМҚК 2022 жылғы 25 ақпанда сағат 11.00-де онлайн форматында ZOOM платформасында «Музейлердің ғылыми-қор жұмысының өзекті мәселелері» атты республикалық онлайн оқыту семинарын өткізеді.

Семинардың мақсаты: музей коллекцияларын есепке алу және сақтау, экспонаттарды қалпына келтіру технологиясы, есепке алу және сақтау жұмыстары саласының заманауи әдістемелермен таныстыру бойынша музей қызметкерлерінің әлеуетін арттыру.

Іс-шара барысында Қазақстан Республикасының республикалық және облыстық музейлерінің қор сақтаушы қызметкерлерінің арасында қор жұмысының мәселелері мен оларды шешу жолдары бойынша тәжірибе алмасу мен сындарлы диалог өтеді.