Бүгін 2023 жылдың 23 қазан күні «Ботай» мемлекеттік тарихи-мәдени музей-қорығы 25 қазан-Қазақстан Республикасы күнін мерекелеу шеңберінде, сондай-ақ тәрбие, білім беру қызметі, өскелең ұрпақтың бойында патриоттық сезімді дамыту мақсатында "Айыртау ауданының өмірлік қиын жағдайдағы балаларды қолдау орталығы" КММ-де - "ұрпақтан-ұрпаққа" тақырыбында Ботай мәдениеті кабинетін ашылу салтанатын өткізді.

Балаларды қолдау орталығының қабырғасында Ботай мәдениеті кабинетін ашудың мақсаты- Ботай қазіргі Қазақстан аумағындағы атты дала дәуірінің, көне энеолит тарихының кезеңін белгілеген бірегей салт атты мәдениетінің киелі отаны екенің ескере отырып, Қазақстан халқының тарихын, дәстүрі мен мәдениетін дәріптеу.
Ботай мәдениеті кабинеті, идеялық тұрғыдан алғанда, баланың қоршаған шындыққа әлеуметтік бейімделуін жүзеге асырумен толықтырылған білім беру және тәрбие функциясының нысаны болады. Бұл балалардың шығармашылық және ойын әрекеттерін ынталандыратын музей экспозициясын құрастыра алады, сол себепті "Ботай" музей-қорығы балаларды қолдау жөніндегі мемлекеттік мекемеге археологиялық қазба барысында табылған артефактілерді, сондай-ақ Ботай символикасы бар кәдесыйларды уақытша сақтауға береді..