2023 жылы 15 тамыз күні сағат 11:00 де Солтүстік Қазақстан облысы Айыртау ауданы Никольское ауылы, Ботай қонысында «Ботай» мемлекеттік тарихи-мәдени музей-қорығы Халықаралық археологтар күніне арналған «Ботай мәдениетінің мұралары-әлемдік археологияның жауһары» тақырыбында республикалық далалық семинар өткізді.

Семинарға ҚР және шетел археологтары, мәдениет және білім саласының қызметкерлері, музей ұйымдарының қызметкерлері, тарихшылар, ғалымдар мен география мен тарих пәнінің мұғалімдері қатысты.

Семинар барысында семинарға қатысушылар 2023 жылғы Ботай (СҚО) және Красный Яр (Ақмола облысы) қоныстарында жүргізілген археологиялық қазба жұмыстарының нәтижелерімен танысып,сонымен қатар семинарға қатысушылар биылғы жылы жүргізілген қазба жұмыстары орнымен және қайта құрылған «Ботай» тұрғын үйімен (балықшылар үйі) таныстырылды.

Сонымен қатар Эксетер университетінің (Англия) профессоры, жаһандық өзара іс-қимыл жөніндегі директоры, "Археологиялық зерттеулердің ғылымы мен техникасы" (Routledge) журналының бас редакторы Алан К.Оутрамнан ҚР музей – қорық қызметкерлеріне, тарихшыларға, мұғалімдер мен өлкетанушыларға арналған тарих ғылымындағы заманауи технологиялар бойынша баяндамасын оқыды.

Іс –шара соныңда ашық микрофон ұсынылып, қатысушылар пікір алмасып, сұрақтар қойып, өз ойларымен бөлісті.