Эксетер университетінің профессоры Алан Оутрам өзінің ғылыми-зерттеу қызметін СҚО Айыртау ауданы Ботай қонысында Республикалық маңызы бар археология ескерткішінде жалғастыруда.

Мысалы, бүгінде ол ежелгі Ботай салт-дәстүрлік мақсатта пайдаланған жылқының оюлы фалангасын зерттеді. "Ботай" музей-қорығының ғылыми ұжымы ағылшын ғалымдарымен бірлескен күш-жігері Ботай мәдениетін жүйелі, кешенді зерттеуге әкелетініне қуанышты. Кейінгі әдістемелік және зертханалық зерттеулер ежелгі ботайлықтардың және жалпы Ат спорты мәдениетінің заңдылықтарын, ұқсастықтарын, өмірі мен тұрмыс-тіршілігінің айрықша белгілерін анықтауға мүмкіндік береді.