2023 жылғы 22-27 мамыр аралығында Көкшетау қаласының Ш.Уалиханов атындағы университетінің  "География-тарих" білім беру бағдарламасы бойынша оқитын 1 курс студенттері үшін « Ботай» қонысында   оқу археологиялық  практикасы ұйымдастырылуда. Археологиялық практикаға 49 студент қатысуда. Оның ішінде 27 қыз бала, 22 ұл бала.

Бірінші күні, студенттердің келуі мен орналасуынан кейін «Ботай» музей-қорығының ғылыми қызметкерлері Әбілмәліков Қуаныш Қабдолұлы мен Макеев Марат Сайлауұлы Ботай мәдениеті, Ботай қонысының тарихы бойынша кіріспе дәріс өткізіп, археологиялық базада күн тәртібі, жүріс-тұрыс ережелері, археологиялық қазбадағы қауіпсіздік техникасы бойынша нұсқаулық жүргізілді.

Қазба жұмысына қатысушылар мәдени қабаттарды зерттеп, Ботай мәдениетінің археологиялық ескерткіштерін зерттеу барысында табылған көне жәдігерлерді өз көздерімен көріп, тікелей қолмен ұстау мүмкіндік алады..