Бүгін, 2023 жылдың  1 ақпан  күні «Ботай» мемлекеттік тарихи-мәдени музей-қорығы» РМҚК экскурсия бөлімінің басшысы Ж.О. Мукушева және экскурсовод М.М. Құттыбай   «Айыртау орта мектебі» КММ және «Шалқар орта мектебі» КММ оқушылары үшін «Ботайлықтардың баспанасы-далалық архитектураның алғашқы нұсқасы» тақырыбында тарихи-танымдық музей сабағын өткізді.

Сабақ барысында оқушылар Ботай мәдениетінің тарихымен терең танысып,ботай қонысынан табылған құнды жәдігерлерді тамашалады.
Сабақ барысында оқушыларға тақырып бойынша түрлі сұрақтар қойылды,оларға қуана жауап беріп, өз ойлары мен пікірлерімен белсенді бөлісті.

Сондай-ақ музейдің суретші-реставраторы Ю.Б. Тихонов  оқушыларға Ботай мәдениетінің интерактивті элементі  қыш ыдыстарды жасау бойынша шеберлік класын көрсетті.

Осы орайда өткізілген іс-шара оқушыларға әсерлі сабақ болып, тарихи-мәдени мұра мен ескерткіштерге құрметтері артады деп сенеміз.