2023 жылдың қаңтар айында «Ботай» мемлекеттік тарихи-мәдени музей-қорығында  Саумалкөл ауылындағы мектеп оқушылары үшін, «Ботай» музей-қорығының 5-жылдығына орайластырылған «Бес жыл бірге» акциясы ұйымдастырылуда.

Осыған орай 2023 жылдың 18 қаңтар күні  Саумалкөл №1орта мектебінің 2 «Г» сынып оқушылары "Ботай» мемлекеттік тарихи-мәдени музей-қорығы» РМҚК-на келді.
Оқушылар үшін Ботай музей-қорығының экспозициялық залы бойынша өте қызықты және пайдалы экскурсия болды. Балаларға музей залдары бойынша экскурсия қатты ұнады.

Экскурсия барысында «Ботай мәдениетінің археологиялық зерттеулері» инсталляциясы ұсынылды, онда студенттер тарих әлеміне еніп, археологиялық қазба жұмыстарына қатыса алды.

Бұл инсталляция өскелең ұрпақтың тарихи-мәдени мұра мен археологиялық зерттеу барысына қызығушылығын тудырып, археологиялық ескерткіштерге құрмет пен патриоттық тәрбие береді деп сенеміз.