Бүгін, 2022 жылдың 21 қазан күні «Ботай» мемлекеттік тарихи-мәдени музей-қорығы»  ZOOM платформасы арқылы онлайн режимінде 25-қазан Республика күніне арналған форсайт сессиясы форматында  «Қазақстан Республикасының қалыптасуы және тарих ғылымының даму аспектілері-стратегия,перспективалар» атты Республикалық ғылыми-тәжірбиелік конференция өткізді.

Конференцияның мақсаты – Республиканың қалыптасу жылдарындағы отандық тарих ғылымының рөлі мен басымдықтарын анықтау, тарих ғылымындағы тәсілдер мен әдістерді қайта пішімдеу, таптық ғылыми концепция мен еуроцентристік көзқарастан алшақтау.

Республика күні – Қазақстанның басты ұлттық мерекесі. Форсайт-сессия- еліміздің егеменді республика болып жарияланған жылдардағы тарих ғылымының қалыптасуына, өткен әдістемелерді тереңдетуді, өзекті тақырыптарды талқылауды, жағдайды талдауды, болжам жасауды және одан әрі белгілеуді қамтитын тарих ғылымының даму векторына талдау жасайды.

Аталмыш іс-шараға республикалық және облыстық деңгейдегі музейлердің ғылыми қызметкерлері мен Қазақстанның жоғары оқу орындарының магистранттары мен докторанттары, мәдениет қайраткерлері, өлкетанушылар және қоғам қайраткерлері қатысты. Аталмыш іс-шарада Сарайшықтағы қазба жұмыстары,Есік қорымы және  Кенесары Қасымұлы бастаған ұлт азаттық көтеріліс жайды баяндамалар тындалды.