2022 жылдың 17 маусымында Ботай қонысында "Ежелгі Қоныс", "Бозоқтан Ботайға дейін" атты экспедициясы сәтті аяқталды.

Мәдени-туристік акция 2022 жылдың 11 маусымында басталып, Қазақстан Республикасы Мемлекеттік рәміздерінің 30 жылдығына орайластырылды. Сонымен қатар, экспедицияның тағы үш маңызды мақсаты және терең мағынасы бар. Бірінші кезекте, еліміздің тарихи-мәдени мұрасын насихаттау (Бозоқ және Ботай – дала өркениетінің екі бірегей ескерткіші), екінші – отандық эко-туризмді дамытуға назар аудару, үшінші фактор - Қазақстан халқының дәстүрлерін дәріптеу үшін аттармен қызықты саяхат.

Көшпенділер мен текті жүйрік - өмір заңдылығында ежелден келе жатқан ажырамас ұғымдар, ұлттық мақтаныш. Сонымен қатар, ат үстіндегі экспедиция - 450 шақырымды екі музей - қорық (Бозоқ-Ботай) бөледі.

Экспедиция ұйымдастырушылары-ҚР Мәдениет және спорт министрлігінің қолдауымен "Бозоқ" мемлекеттік тарихи-мәдени музей-қорығы, "Ат-traval" спорт клубы.

Экспедицияның дүниежүзілік өркениеттің алғашқы жылқы өсірушілері мен ұлттық сусын – қымыздың пайда болуының бірегей орталығы - Ботай қонысына (СҚО Айыртау ауданы Никольское ауылының маңында) келуі мазмұнды далалық семинармен аяқталды.

Барлық қатысушылар экспедицияның тұжырымдамалық мазмұнының, ниетінің мәдени-танымдық, экологиялық-туристік және ғылыми мақсаттарына қол жеткізілді деген ортақ пікірге келді.