2024  жылдың 27 қараша  күні "Ботай" мемлекеттік тарихи-мәдени музей-қорығының ғылыми қызметкерлері Ш.Уалиханов атындағы Көкшетау қаласының университетінің студенттерімен   «Ботай: Мәдениет. Ашулар. Гипотезалар» тақырыбында семинар ұйымдастырды.

Аталмыш іс-шарада ғылыми қызметкелер   Ботай мәдениетінің ашылуы, тарихы және зерттеу жұмыстары жайында ақпараттармен бөлісті. Сондай ақ студенттер  назарына ботайлықтардың ежелгі тұрғын үйлерінің қайта құрылуы,  тарихи-мәдени мұраны қорғау жайында, сонымен қатар археологиялық қазба жұмыстарының жүргізілу, оларды зерттеу, қазу методикасы жайлы баяндамалар ұсынылды.

Семинар барысында Ботай мәдениетінің бірегей жәдігерлер көрмесі көрсетілді. Көрмеде ботайлықтардың күнделікті тұрмыста қолданылған ежелгі құралдар,қару-жарақтар көрсетілді.