Бүгін, 2024 жылдың 7 қарашасында  «Ботай» музей-қорығының қызметкерлері  Айыртау ауданының аудандық кітапханасында  "Ерте еңбек құралдары" көрмесін ұйымдастырды.  Іс-шараға Саумалкөл ауылының мектеп оқушылары қатысты.

Көрмеге Ботай мәдениетінің  тұрмыс-тіршілігінде қолданыста болған  жәдігерлер қойылып,  музей қызметкерлері әр жәдігер жайлы толық ақпарат беріп, ботай мәдениеті жайлы қысқаша бейнебаян  көрсетті.

Сонымен қатар, оқушыларға Ботай мәдениеті жайлы  кітап көрмесі таныстырылды, музейдің тыныс-тіршілігі, атқарып жатқан жұмыстары жайында мәліметтер берілді.