2024 жылғы 29 қазанда Ақмола облысының білім басқармасы жанындағы жыл бойы балалар сауықтыру лагері" КММ-нің балалары үшін «Ботай» музей-қорығы оқушылардың күзгі демалыс уақытында Ботай мәдениетіне арналған бірнеше тарихи танымдық іс-шаралар ұйымдастырды.
«Жас дәурен» лагеріндегі оқушыларға "Ботай" музей-қорығының қызметкерлері балаларға арнайы Ботай мәдениетінің ескерткіштері туралы дәрістер,археологиялық қазба жұмыстары жайлы деректер, бірегей жәдігерлер қойылған көрме ұсынды.

Сауықтыру лагеріндегі Ақмола облысының аудандары мен қалаларынан 7-10 сыныптардың 80 –ге жуық оқушыларға шеберлік сабақ түрінде керамикалық ыдыстарды қайта жасау процесі, ежелгі технологиялар бойынша тамақ дайындау, тасты дисктер дайындау процесі көрсетіліп, сонымен қатар Ботай мәдениетінің рөлі мен маңызы туралы бейнеролик көрсетілді.
Ботай қонысының тарихы балаларды қызықтырып, олар танымдық іс-шараға қуана қатысты, олар үшін өткізілген шеберлік сабақтар мен көрме арқылы мектептегі білімдерін одан әрі нығайтты.